Maa Ki Loree Ka Ehsaas To Hai,
Har Khushi Hai Logon Ke Daman Mein,
Par Ek Hansi Ke Liye
Waqt Nahi....
Din Raat Daudti Duniya Mein,
Zindagi Ke Liye
Waqt Nahi....
Maa Ki Loree Ka Ehsaas To Hai,
Par Maa Ko Maa Kehne Ka
Waqt Nahi....
Saare Rishton Ko To Hum Maar Chuke,
Ab Unhe Dafnane Ka Bhi
Waqt Nahi....
Aankhon Me Hai Neend Bharee,
Par Sone Ka
Waqt Nahi....
Dil Hai Ghamon Se Bhara Hua,
Par Rone Ka
Waqt Nahi....
Tu Hi Bata Aye Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi
Waqt Nahi....
No comments:
Post a Comment